Улууспутугар Олоҥхо уонна Хомус декадатын чэрчитинэн Уус Алданнааҕы сокуоннай саастарын ситэ илик оҕолорун чөлүгэр түһэрэр киин иһинэн бүгүн, ол эбэтэр сэтинньи 28 күнүгэр Олоҥхо уонна Хомус күнэ үрдүк таһымнаахтык ыытылынна.
Кыттыыны ыллылар киин библиотека «Алгыс» краеведческай отделын үлэһиттэрэ Ольга Павлова, Мария Заболоцкая «Өбүгэ үгэһин ситимнээн» быыстапкаларын оҕолор сэргии иһиттилэр, көрдүлэр.
«Хатан Хомус» ансаамбыл, салайааччы Лилия Слепцова, Дьулуруйар Ньургун Боотур» Олоҥхону хомуска дьүһүйдүлэр.
Оҕустаах олоҥхоһут Охонооһой-Афанасий Бурцев олоҥхону толорон дьон биһирэбилин ылыан ылла.
Биһиги иитиллээччибит Сандаара Колесова хомуска дьүһүйэн, кэлбит ыалдьыттар сэҥээриилэрин ылла. Ахсынньы 3 күнүгэр буолаары турар «Хомус кырдалыгар» норуоттар икки ардыларынааҕы хомус конкурсугар ситиһиилээхтик кыттарыгар баҕарабыт.
Эҕэрдэ тылын, махтал суруктары туттарда тэрилтэбит салайааччыта Иннокентий Сергеев.
Кэлэн кыттыыны
ылбыт дьоммутугар истиҥ махталбытын коллектив аатыттан тиэрдэбит!
