Уус-Алданнааҕы нэһилиэнньэ социальнай көмүскэлин кэлим киинэ ( салайааччы Сергеев И.И.) муус устар 24 күнүгэр
» Барыта дьиэ-кэргэн туһугар» социальнай десанынан Өлтөх нэһилиэгэр үлэлээн кэллэ. Ол курдук 120-с Федеральнай сокуоҥҥа олоҕуран, үлэ былааннанна: оҕо бэрээдэктээх буолуутугар, төрөппүт оҕотун иитиитигэр эппиэтинэһин үрдэтэригэр, государственнай стандартары сырдатыы. Педагогтар уонна профилактика уустук үлэтигэр үлэлиир коллегаларбыт оскуола оҕолоругар араас хабааннаах дьарыктары ыыттылар. Ону таһынан оскуола учууталларыгар туспа семинар, күн иккис аҥарыгар төрөппүттэргэ үөрэхтээһин ыытылынна. Киин тас отделениятын сэбиэдиссэйэ Готовцева М.Д., ис дьыала отделын ПДН инспектора Николаева Н.А.
» Оҕо иитиитигэр», » Оҕо бэрээдэги кэспэтин туһугар» профилактика үлэтин систематын туһунан билиһиннэрдилэр, кэпсээтилэр, быһаардылар. Кылаастарынан арахсан, 5-6 кылаастарга иитээччи: Заболоцкий Дь. М. » Хомус тардыытын үөрэтии ньымалара», социальнай педагог Бурцева Ю. А. » Мин быраабым уонна эбээһинэһим» диэн дьарыктары, маастар-кылаастары ыыттылар. 7-8 кылаастарга медицинскэй үлэһит Гуляева Н. К. » Оҕо эт-хаан өттүнэн сайдыыта», Уус-Алданнааҕы психодогическай киин социальнай педагога Егорова Д. П. » Быраап уонна подросток саастаах оҕо» диэн темаларга интириэһинэй бэсиэдэлэри ыыттылар. Улахан кылаас оҕолоругар психолог Жиркова Т.П. тренинг оҕо сайдарыгар сөптөөх тренины уонна биирдиилээн төрөппүттэргэ, оҕолорго консультация оҥордо. Уус-Алданнааҕы баһаарынай чаас инструктора Атласова С.-А.В. «Баһаартан сэрэхтээх буолуу» диэн ааттаах бэсиэдэ ыытта.
Өлтөх нэһилиэгин дьаһалтатын ( баһылык Алексеев К.А.), Бэйдиҥэ орто оскуолатын ( директор Дансарунова Е.А.) инникитин бииргэ үлэлэһэргэ икки өттүттэн сөбүлэҥ баттанна.
Маннык хабааннаах тэрээһиннэр туһалаахтарын туһунан эттилэр, оҕо бэрээдэктээх буолуутун ситиһэргэ барыбыт кыһамньыта наадалааҕын бэлиэтээтилэр.