Бүгүн о.э.муус устар 18 күнүгэр Уус-Алданнааҕы нэһилиэнньэ социальнай көмүскэлин кэлим киинигэр «Аҕа алгыһынан, ийэ иэйиитинэн» бырайыак иһинэн Аҕа уонна Уол оҕо күннэрин чэрчитинэн «Уол оҕо – аҕа эрэлэ» диэн тэрээһин үрдүк таһымҥа буолан ааста. Сылын аайы ыытыллар тэрээһин уол оҕо, аҕа киһи хорсунун-хоодуотун,сытыы толкуйун билэр алта түһүмэхтээх күрэхтэһиитигэр барыта түөрт аҕа, түөрт уол илин-кэлин түһүстүлэр. Ол курдук түһүмэхтэрэ: бэйэни билиһиннэрии, ырааҕы быраҕыы, мэһэйдээх сүүрүү, хаптаһыҥҥа тоһоҕо саайыы, оттук мас саһаана, блиц- ыйытык. Дьүүллүүр сүбэҕэ үлэлээтилэр: Мүрү нэһилиэгин сүрүн исписиэлиһэ Наумов Николай, ис дьыала уорганын ПДН старшай инспиэктэрэ Степанов Петр.

Сүүрүүлээх- көтүүлээх, толкуйдаах түһүмэхтэр түмүктэринэн Мүрү нэһилиэгин олохтооҕо, элбэх оҕолоох аҕа Николай Андросов уолунаан Кешалыын кыайыы өрөгөйүн билэн, биһиги тэрилтэбитигэр күүс- көмө буолар спонсордарбыт урбаанньыт Альбина Ефимова, Варвара Саввина бириистэрин ылан үөрдүлэр. II үрдэли Мүрү нэһилиэгин олохтооҕо, элбэх оҕолоох аҕа Роман Габышев уолунаан Максимныын ылары ситистилэр, cпонсордарбыт Савва Алексеев, Сардана, Прокопий Румянцевтар дьиэ- кэргэн бириистэрин туттулар, III үрдэли Сыырдаахтан 7 уол оҕолоох Валерий Олесов уолунаан Валералыын ыллылар, спонсордарбыт Савва Алексеев, Максим, Валентина Гуляевтар дьиэ- кэргэн бириистэринэн наҕараадаланнылар. Кыттыыга туоһу суругу Хомустаахтан Михаил Варламов уолунаан Харысхаллыын туттулар, спонсордарбыт Савва Алексеев, Мүрү нэһилиэгин баһылык солбуйаччыта Вероника Сивцева туруорбут анал бирииһинэн наҕараадаланнылар. 

Бу тэрээһин үлэҕэ үөрүйэхтэри иҥэрэргэ, дьиэ- кэргэҥҥэ иитии боппуруоһугар аҕа оруолун үрдэтэргэ үлэлэһэр соруктаах тэрилиннэ.