Бүгүн, тохсунньу ый 14 күнүгэр Уус-Алданнааҕы нэһилиэнньэ социальнай көмүскэллээх буолууга кэлим киинэ (салач. Сергеев И.И.) уонна Мүрү нэһилиэгин дьаһалтататын (баҺ.Румянцев П.Ф.) иһинэн элбэх оҕолоох уонна дойдуну көмүскүүр анал байыаннай дьайыы кыттыылаахтарын оҕолорун кытары үлэлиир хамыыһыйа үгэс буолбут «Эргэ Саҥа Дьылы көрсө» бырааһынньыктааҕы тэрээһини үрдүк таһымҥа ыытта. Кииммит салайааччыта Иннокентий Сергеев тэрээһин кыттыылаахтарын эҕэрдээн туран харыйа оонньуурун оҥорууга кыттыбыт күрэс кыайыылаахтарын наҕараадалаата Ол курдук кыра бөлөххө 1 миэстэ Готовцев Ян, 2 миэстэ Колодезников Бэргэн, 3 миэстэ Олесов Антон буоллулар. Улахан бөлөххө 1 миэстэ Обоюкова Мира, 2 миэстэ Новоприезжай Алекс, 3 миэстэ Обоюков Тигран туоһу суруктарынан, бириистэринэн наҕараадаланнылар. Салгыы Мүрү нэһилиэгин баһылыгын солбуйааччыта Вероника Сивцева оҕолору эҕэрдэлээн туран дьаһалта тэрээһиннэригэр көхтөөхтүк кыттар тэрилтэлэргэ махтал сруктары туттарда. «Өркөн» эбии оҕону үөрэхтээһин киинин киэҥ- куоҥ саалатыгар 80-ча оҕону ыҥыран саҥа дьыллааҕы эҕэрдэ кэнсиэри умсугуйан көрдүлэр: «Энергия» үҥкүү бөлөҕүн «Хаар кыырпаҕа», «Үтүлүктээх үҥкүү» имигэс уҥкүүлэрин, Кыыдаана Бочкарева «Туундара», Айсен Кутуков «Урааҥхай», Даша Бурнашева «Күнү көрсүү», Алик Стручков «Кэрэмэс кэнчээри ыччакка», «Ералашка» студия о5олоро «Дьүкээбил» ырыаларын, Сайын Куо Аммосова «Тугутчаана» үҥкүүтүнэн кэнсиэри киэргэттилэр. Түмүккэ кэтэһиилээх ыалдьыттары Эһээ дьыл оҕонньор (иитээччи Окоемов И.И.) уонна сиэн кыыс Хаарчаана (иитээччи көмөлөһөөччүтэ Федорова М.С.) минньигэс кэһиилэрин оҕолорго туттардылар. Салгыы оҕолору Эльф, сыл бэлиэтэ Моҕой уонна Гринч тэтимнээх оонньууга угуйан оонньоттулар. Умнуллубат, ураты кумааҕынан шоу дискотека буолла. Оҕолорго анаан минньигэс тортарынан, утаҕынан кенди-бар тэрилиннэ — иитээччи Сивцева З.И., иитээччи көмөлөһөөччүтэ Новгородова В.М. үлэлэттилэр, саҥа дьыллааҕы аттракционнары социальнай педагог Иннокентьева Л.П., психолог Жиркова Т.П.оҕолорго анаан ыыттылар, ону таһынан Өркөн оҕону эбии үөрэхтээһин киинин педагогтара араас хайысхалаах куруһуоктарынан оҕолору сэргэхситтилэр, оҕолор сирэйдэригэр аныгылыы аква — грим оҥорон иитээччи Маскимова Е.В., медицинскэй үлэһит Самсонова А.В. оҕолор үөрүүлэрин үксэттилэр.
Төрөппүттэрбитигэр, оҕолорбутугар саргылаах Саҥа Дьыл үтүөну эрэ үксэттин, күндүнү эрэ кэрэһэлээтин!
Киин социальнай үлэҕэ специалиһа Мария Готовцева