💫🎁 «Уус Алданнааҕы сокуоннай саастарын ситэ илик оҕолору чөлүгэр түһэрэр социальнай киин” (дир. Иннокентий Сергеев) «Саҥа дьылга – оҕо туһугар» үгэс буолбут акцията түмүктэннэ. Акция ахсынньы 1 күнүттэн 25 күнүгэр диэри ыытылынна.
Бу акцияҕа тэрилтэлэр, урбаанньыттар, биирдиилээн амарах сүрэхтээх дьон сылын аайы көхтөөх кыттыыны ылаллара үөрдэр. Быйыл барыта 66 тэрилтэ, маҕаһыын, урбаанньыт кыттыста. Минньигэс бэлэхтэри үлэлэһэр ыалларбыт оҕолоругар, элбэх оҕолоох дьиэ кэргэттэргэ, соҕотох ийэлэр, аҕалар оҕолоругар Саҥа дьылга умнуллубат, дьоллоох түгэни бэлэхтээн туттартаатыбыт. Оҕолор үөрүүлэрэ муҥура суох, кинилэр астыммыт харахтарын көрөр саҕа улахан дьол суох…
Акцияҕа кыттыспыттарга бука барыгытыгар киин аатыттан улахан махталбытын тиэрдэбит. Биһиги оҕолорбутугар оҕо саастара этэҥҥэ ааһарыгар кыһамньыгыт, амарах санааҕыт, үтүө дьыалаҕа көмөҕүт хаһан даҕаны үрдүктүк тутуллуоҕа, үгүс ситиһии бэйэҕитигэр эргиллэригэр баҕарабыт. Чэгиэн-чэбдик доруобуйаны, дьолу-соргуну, этэҥҥэ буолууну!
✍️ Юлия Бурцева, социальнай педагог