Сэтинньи 29 кунугэр.
Уһун-Күөл орто оскуолатыгар Уус -Алданнааҕы сокуоннай саастарын ситэ илик оҕолору реабилитациялыы киин дириэктэрэ Иннокентий Сергеев салайааччылаах , исписэлиистэри уонна профилактика эйгэтигэр бииргэ үлэлиир . Тэрээһин үөрүүлээх арыллыытыгар киин дириэктэрэ Иннокентий Сергеев, бастакы Өспөх нэһилиэгин солбуйар баһылыга Дусиван Жирков , Уһун -Күөл орто оскуолатын дириэктэрэ Наталья Турантаева инникитин бииргэ улэлиир сөбүлэҥи илии тутуһан баттастылар.
Олус интэриэһинэй , оҕолорго туһалаах, араас хайысханан ол эбэтэр сырдатар- сэрэтэр , психологическай , медицинскэй , оҕо дьоҕурун сайыннарар, ууттан -уоттан , суолтан сэрэхтээх буолуу, эрдэттэн буруйу кэһии тахсыбатын туһугар ,сокуоннарга олоҕурар туһааннаах лекциялары , бэсиэдэлэри, ону таһынан кылаас салайааччыларыгар профилактическай хабааннаах үлэни ыыттылар .
Төрөппүттэргэ анаан -аһаҕас кэпсэтии , иитэр -үөрэтэр сүбэ бэсиэдэлэрин ыыттылар . Төрөппүт эппиэтинэһин , билиҥҥи сокуон ирдэбилин билиһиннэрдилэр. Хас биирдии төрөппүт элбэҕи билбитин — истибитин бу сүбэлэри инникитин оҕону иитиигэ туһаныахтара дии саныыбыт .
Уус -Алданнааҕы оҕолорго аналлаах социальнай -реабилитационнай киин улэтин сырдатар , дириҥ ис хоһоонноох быыстапка туруоран , дьон интэриэһин тартылар . Маннык оскуолаларынан тэрийэн социальнай десант үлэтин ыытара олус туһалаах диэн санааҕа кэллибит. Бары кэлэн кыттыбыт улэһиттэргэ махтанабыт. Үлэҕитигэр үрдүк ситиһиилэри , чэгиэн доруобуйаны баҕара хаалабыт .Уһун -Күөл орто оскуолатын педагог-психолога Жиркова Лена Фёдоровна.
