Бүгүн, муус устар 30 күнүгэр Уус-Алданнааҕы нэһилиэнньэ социальнай көмүскэлин кэлим киинин иһинэн үлэлиир доруобуйатынан хааччахтаах оҕону иитэр ыалга көмө буолар көһө сылдьар чөлүгэр түһэрэр дьоҕус киин исписэлиистэрэ партнердарбытын — «Өркөн» оҕону эбии үөрэхтээһин киинин уонна улуустааҕы оҕо библиотекатын кытта Орто-Эбэ анал (коррекционнай) интернат оскуолатыгар ыалдьыттаатыбыт. Социальнай педагогпут Иннокентьева Л. П. «Оҕо эбээһинэһэ» диэн тиэмэҕэ иһитиннэрии оҥордо, педагог-психолог Жиркова Т.П. бииргэ түмсэргэ анаммыт оонньуулары ыытта, кыһалҕалаахтар итэҕэл төлөпүөннэринэн эрийэн кэпсэтиэхтэрин сөбүн туһунан быһааран кэпсээтэ. Улуустааҕы оҕо библиотекатын үлэһиттэрэ Надежда Васильевна, Варвара Петровна аралдьытар викторина тэрийэн ыыттылар. Медикпит Гуляева Н.К. тус гигиенаны тутуһуу, тумууттан, тымныйыыттан, грипп ыарыытыттан хайдах сэрэнэри, харыстанары быһаарда.
Ити кэннэ салгыы оҕолору кытта таһырдьа тахсан хамаанданан арахсан “Көрдөөх стартары” оонньоотубут. Хамаандалары минньигэс тортарынан наҕараадалаан волонтер урбаанньыт Сергеева А. Н. күндүлээтэ, ону тэҥэ тэрээһиммитин волонтербут Оллонова М.Н ростовай кукуулаларынан киэргэттэ.
«Өркөн» эбии үөрэхтээһин киинин педагога Иванов И.А. пилота суох көтөр аппарат туһатын уонна кутталын туһунан кэпсээтэ, дрону оҕолорго көтүтэн көрдөрөн оҕолору үөртэ-көтүттэ. Сэргэх тэрээһин ааста диэн оскуола оҕолоро уонна иитээччилэрэ астыннылар, махтаннылар. Биһиги эмиэ Орто-Эбэ анал (коррекционнай) интернат оскуолатыгар ыҥырыыгыт, сэргээн көрсүбүккүт иһин махтанабыт, өссө да салгыы бииргэ үлэлэһэ, алтыһа туруохпүт диэн эрэннэрэбит.