Бүгүн муус устар 11 күнүгэр Уус-Алданнааҕы нэһилиэнньэ социальнай көмүскэлин кэлим киинигэр төрөппүт уонна оҕо “Дьиэ-кэргэн мастерскойа” бу сылга 4 төгүлүн маастар -кылаас ыытта. Сүрүн сыала: дьиэ-кэргэҥҥэ өйөбүл быһыытынан буолар, ону таһынан төрөппүт оҕотун кытары сыһыанын тупсарыыга, дьону кытта сатаан кэпсэтэргэ, туһалаахха интириэһин тардарга ананар. Бүгүҥҥү маастар -кылааһы тарбаҕар талааннаах волонтербут, элбэх оҕолоох ийэ, эбээ Тарская Оксана Афанасьевна “Макраме алыба” диэн олус умсугутуулаах, интириэһинэй макраменан баайыы кистэлэҥнэрин кытта олус өйдөнүмтүөтүк быһаарда, кэпсээтэ, көрдөрдө. Маастар кылааска төрөппүттэр уонна оҕолор астынан туран бэйэлэрин сылаас илиилэринэн брелок оҥорон, үөрэн-көтөн оҥордулар. Волонтербутугар Оксана Афанасьевнаҕа бэйэтин билиитин төрөппүттэргэ уонна оҕолорго кэлэн үллэстэн, уопутун тарҕаппытыгар улахан махталбытын тириэрдэбит.