Уус Алданнааҕы нэһилиэнньэ социальнай көмүскэлин кэлим киинин стационарыгар бүгүн оҕолорго Аҕа дойдуну көмүскээччи күнүгэр аналлаах үгэс буолбут «Мы – будущие защитники Родины» тэрээһин буолла.
Бырааһынньыктааҕы тэрээһиҥҥэ Мүрү 2-с нүөмэрдээх оскуолатын 2 «б» кылааһын уолаттара уонна кылаас салайааччыта Марианна Колодезникова кыттыыны ыллылар. Кэлбит ыалдьыттары, оҕолору, үлэһиттэри эҕэрдэлээтибит уонна бэлэх туттартаатыбыт. Уолаттар речевкалаах строевой хаамыыны көрдөрдүлэр. Биһиги иитиллээччилэрбит Давид Христофоров, Ангела Афанасьева дорҕоонноохтук хоһоон ааҕан эҕэрдэлээтилэр.
Ыалдьыппыт Сайнаара Тогонохова истиҥ хоһоонун бэлэх уунна.
Көрдөөх эстафетаҕа уолаттар икки хамаандаҕа хайдыһан күүстээх киирсии буолла. Эстафета түмүгүнэн уолаттар туоһу сурук уонна бэлэх тутан үөрүүлэрэ үксээтэ.
Аҕа дойдуну көмүскээччилэр күннэринэн үлэһиттэрбит Мария Федорова ылбаҕай ырыатынан, Наталия Гуляева ис дууһатыттан хоһоон ааҕан тэрээһини киэргэттилэр.
Тэрээһин биир ураты түгэнинэн оҕолор «ҺӨҔҮҤ» акцияҕа кыттан төлөпүөннэригэр сахалыы шрифтэри киллэрдилэр.
Кэлбит ыалдьыттарбыт уонна иитиллээччилэрбит оҕо саастарын биир дьоллоох түгэниттэн үөрэн-көтөн, дуоһуйа сынньанан тарҕастылар.
Зоя Сивцева, иитээччи